Здружението за едукација и тренинг ЦЕТ ПЛАТФОРМА – Скопје објавува отворен повик за 5 млади учесници и 1 лидер на група за Еразмус+ младинска размена (youth exchange) „Growing Up Your Nature“, која ќе се одржи во Самобор, Хрватска од 18-ти до 26-ти март 2024 година.
Проектот „Growing Up Your Future“ се стреми да всади чувство на одговорност и благодарност кон животната средина, и да ја опреми помладата генерација со практични вештини и знаења кои се проширени надвор од границите на традиционалното образование. Преку практични активности и интерактивни сесии, имаме за цел да инспирираме нова генерација која не само што е добро упатена во земјоделските практики, туку е и свесна за влијанието што може да го има врз сопствената околина. Придружете ни се на ова трансформативно патување, каде ние ќе истражуваме, учиме и растеме заедно. Ќе креираме силна врска помеѓу денешната младина и непроценливите лекции што може да ги понуди мајката природа.
Услови за учество:
- Групниот лидер треба да е постар од 21 година и има претходно искуство со младинска работа и неформално образование
- Учесниците треба да се на возраст од 15 до 30 години без потреба за претходно искуство
- Способност за добра комуникација на англиски јазик кој е работен јазик за време на младинската размена
- Мотивираност и подготвеност за учество во сите активности на младинската размена
- Согласност да се почитуваат сите правила за проектот поставени од организаторите
- Пасош кој има уште минимум 6 месеци важност од почетниот датум на проектот (потребно за патување)
Сите трошоци за сместување и храна, како и патните трошоци (до 320€) се целосно покриени од организаторите. Учесниците ќе мора да патуваат со автобус, воз или приватно возило до местото на одржување на проектот, според правилото „Green Travel“ на програмата Еразмус+.
Одбраните учесници ќе треба да уплатат 1000 денари на сметката на ЦЕТ платформа како котизација за учество што ги покрива оперативните, административните и подготвителните активности на здружението поврзани со испраќањете на проектот.
Доколку сте заинтересирани да учествувате на младинската размената, најпрво внимателно прочитајте го инфопакот за проектот, па потоа пополнете го апликациониот формулар што се наоѓа на платформата Voyagerasmus.eu. За да аплицирате преку платформата, треба да направите профил на истата, па потоа да кликнете на копчето “Apply for Project” (погледни Водич за користење).
Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Размена во Хрватска“.
