Здружението за едукација и тренинг ЦЕТ ПЛАТФОРМА Скопје објавува отворен повик за 3 млади учесници за Еразмус+ младинска размена „Dream Big 2.0“, која ќе се одржи во Сеута, Шпанија од 11-ти до 18-ти ноември 2023 година.
Главната цел на младинската размена е да ги запознае учесниците со светот на претприемништвото како решение за невработеноста.
Оваа цел би сакале да ја постигнеме преку спортот. Нашето цврсто верување е дека доколку младите го прифатат вистинскиот став за да бидат успешни во спортот, истиот став ќе им послужи да бидат успешни и во светот на бизнисот. Всушност, сличностите меѓу претприемачите и спортистите се впечатливи.
На младинската размена ќе учествуваат 31 млади и младински лидери од Македонија, Шпанија, Холандија, Литванија, Ерменија и Романија.
Услови за учество:
- Учесниците треба да се на возраст од 18 до 30 години без потреба за претходно искуство со младинска работа и неформално образование
- Способност за добра комуникација на англиски јазик кој е работен јазик за време на младинската размена
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види во Инфопак)
- Пасош кој има уште минимум 6 месеци важност пред почетокот на младинската размена (потребно за патување)
Сите трошоци за сместување и храна, како и патните трошоци (до 360€) се целосно покриени од организаторите.
Одбраните учесници ќе треба да уплатат 1000 денари на сметката на ЦЕТ платформа како котизација за учество што ги покрива оперативните, административните и подготвителните активности на здружението поврзани со испраќањете на проектот.
Доколку сте заинтересирани да учествувате на размената, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Размена во Шпанија“.
Само одбраните кандидати ќе бидат контактирани за нивното учество.
