Здружението за едукација и тренинг ЦЕТ ПЛАТФОРМА Скопје објавува отворен повик за 3 учесници за Еразмус+ обука (training course) „Who wants to be a volunteer?”, која ќе се одржи во Лоџ, Полска од 30-ти јули до 6-ти август 2023 година.
Со овој проект сакаме да ги стимулираме, охрабриме и да им обезбедиме на младинските работници специфични алатки и методи за учество во волонтерски проект. Проектот има за цел да ја подигне свеста за вредноста и важноста на волонтерството како форма на активно ангажирање и како алатка за борба против дискриминација, социјална исклученост и разлики на сите нивоа од перспектива на младите во различни општества. Да се развие меѓусебно разбирање, да се научат нови креативни техники и да се споделат постоечките практики поврзани со волонтирањето. Дополнително, најмладите ќе бидат мост кон поголем социјален ангажман на заедницата во рамките на Еразмус+ програмата.
На обуката ќе земат учество 19 младински работници и младински лидери од Македонија, Полска, Унгарија, Малта и Литванија.
Услови за учество:
- Постари од 18 години и претходно искуство со младинска работа и неформално образование
- Способност за добра комуникација на англиски јазик кој е работен јазик за време на обуката
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види Инфопак)
- Пасош кој има уште минимум 6 месеци важност пред почетокот на обуката (потребно за патување)
Сите трошоци за сместување и храна, како и патните трошоци (до 275€) се целосно покриени од организаторите.
Одбраните учесници ќе треба да уплатат и 1200 денари на сметката на ЦЕТ платформа како котизација за учество што ги покрива оперативните, административните и подготвителните активности на здружението поврзани со испраќањете на проектот.
Доколку сте заинтересирани да учествувате на обуката, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Обука во Полска“.
