Здружението за едукација и тренинг ЦЕТ ПЛАТФОРМА – Скопје објавува отворен повик за 5 учесници и 1 младински лидер за Еразмус+ младинска размена „Use less. Made it Eco. Do more. (LED)“, која ќе се одржи во Велинград, Бугарија од 22-ри август до 1-ви септември 2020 година.
Главната цел на проект е меѓу младите и нивните заедници да ги стимулира еколошката и граѓанската свест и активност преку подигнување на општата култура и свесност, откривање на различностите и промовирање на систем на брзи, лесни и едноставни методи и техники за еколошки, здрав и просперитетен животен стил, потрошувачка и промена. За време на проектот ќе се дискутираат и генерираат идеи за активно зачувување и промовирање на културната разновидност во ЕУ и стимулирање на волонтирањето кај младите. Темите на проектот се: животната средина и климатските промени, граѓанско ангажирање, одговорно граѓанство и млади.
На младинската размена ќе учествуваат 42 млади и младински лидери од Бугарија, С. Македонија, Романија, Шпанија, Грција, Чешка и Данска.
Услови за учество:
- Учесниците треба да се на возраст од 18 до 30 години
- Младинскиот лидер/ка треба да биде постар/а од 21 година (без краен лимит) и да има искуство со младински проекти и програмата Еразмус+
- Способност за добра комуникација на англиски јазик кој е работен јазик за време на размената
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види во Инфопак)
Сите трошоци за сместување и храна, како и патните трошоци (до максимум 180€) се целосно покриени од организаторите.
Одбраните учесници ќе треба да уплатат 600 денари на сметка на здружението како котизација за учество.
Доколку сте заинтересирани да учествувате на младинската резмена, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Размена во Велинград“.
! Ја следиме внимателно ситуацијата и мерките околу КОВИД-19 пандемијата, па го задржуваме правото да го откажеме нашето учество во проектот доколку оцениме дека Вашата безбедност и здравје може да бидат изложени на ризик.
