Здружението за едукација и тренинг ЦЕТ ПЛАТФОРМА Скопје објавува отворен повик за 4 млади учесници и 1 младински лидер за Еразмус+ младинска размена „Critical Thinkers in Action!“, која ќе се одржи во Златни песоци, Бугарија од 17-ти до 24-ти јули 2023 година.
Главните цели на проектот се развивање на вештини за критичко размислување на учесниците насочени кон развој на когнитивни вештини поврзани со подобрување на повеќекратни лични и професионални квалитети, како што се решавање проблеми, носење одлуки, здрав разум, правилно учење, ментална дисциплина, иницијатива, толкување, комуникација, анализа и евалуација на размислувањето, формулирање на заклучоци, самопочит и самоевалуација, што е директно поврзано со нивниот успешен општествен и професионален развој како и спречување на присилна радикализација на младите. Проектот континуирано ќе работи на интегрирање на резултатите и препораките на младите донесени за време на бугарското евро-претседателство во рамките на младинската конференција од последните два циклуса на структурниот дијалог, каде потребата за рационално одлучување, дебата и критичко размислување станува сè поочигледно.
На младинската размена ќе учествуваат 25 млади и младински лидери од Македонија, Бугарија, Грција, Италија и Шпанија.
Услови за учество:
- Групниот лидер треба да е постар од 21 година и има претходно искуство со младинска работа и неформално образование
- Учесниците треба да се на возраст од 18 до 30 години без потреба за претходно искуство
- Способност за добра комуникација на англиски јазик кој е работен јазик за време на младинската размена
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види во Инфопак)
- Пасош кој има уште минимум 6 месеци важност пред почетокот на младинската размена (потребно за патување)
Сите трошоци за сместување и храна, како и патните трошоци (до 180€) се целосно покриени од организаторите.
Одбраните учесници ќе треба да уплатат 1000 денари на сметката на ЦЕТ платформа како котизација за учество што ги покрива оперативните, административните и подготвителните активности на здружението поврзани со испраќањете на проектот.
Доколку сте заинтересирани да учествувате на размената, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Размена во Бугарија“.
