Здружението за едукација и тренинг ЦЕТ ПЛАТФОРМА Скопје објавува отворен повик за 4 учесници за Еразмус+ обука (training course) „Spinoza’s Ethics and Mental Health – a Path to Psychological Well-being”, која ќе се одржи во Лоџ, Полска од 27-ми март до 2-ри април 2024 година.
Основната цел на овој проект е да се подигне свеста за менталното здравје со користење на креативни и практични пристапи кон менталната благосостојба. Ние веруваме дека поттикнувањето на писменоста за менталното здравје е од клучно значење за општествената благосостојба. Особено во денешниот брз начин на живот, проблемите со менталното здравје како што е анксиозноста и депресијата се во пораст, што често доведува до други тешки здравствени состојби. Во овој контекст, нашиот проект ги интегрира принципите на филозофијата на Барух Спиноза, холандски филозоф од 17 век, да понуди уникатни сознанија за постигнување ментална благосостојба.
На обуката ќе земат учество 20 младински работници и младински лидери од Македонија, Полска, Србија, Шпанија и Литванија.
Услови за учество:
- Постари од 18 години и претходно искуство со младинска работа и неформално образование
- Способност за добра комуникација на англиски јазик кој е работен јазик за време на обуката
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види Инфопак)
- Пасош кој има уште минимум 6 месеци важност пред почетокот на обуката (потребно за патување)
Сите трошоци за сместување и храна, како и патните трошоци (до 275€) се целосно покриени од организаторите.
Одбраните учесници ќе треба да уплатат и 1200 денари на сметката на ЦЕТ платформа како котизација за учество што ги покрива оперативните, административните и подготвителните активности на здружението поврзани со испраќањете на проектот.
Доколку сте заинтересирани да учествувате на обуката, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Обука во Полска“.
