Здружението за едукација и тренинг ЦЕТ ПЛАТФОРМА Скопје објавува отворен повик за 4 учесници за Еразмус+ обука (training course) „Two Sides of the Migrants Story”, која ќе се одржи во Анкара, Турција од 8-ми до 16-ти октомври 2022 година.
Со текот на годините, прашањето за малцинствата станува се позагрижувачко. Поради многу неочекувани услови, како што се војните, политичката нестабилност и природните катастрофи, бројот на луѓе кои се соочуваат со застрашувачката реалност да бидат раселени постојано расте. Оваа обука сака да разговара за главните прашања и предизвици во поттикнувањето на вклучувањето на мигрантите и бегалците. Истражување на улогата на младинскиот работник во овој процес, подигање на свеста за оваа тема кон младите, размена на добри практики и алатки/методи се некои од темите со кои ќе се занимават учесниците за време на оваа обука.
Обуката ќе се заснова на принципите и практиките на неформалното образование: користење на пристап насочен кон ученикот и активни и интерактивни методи. Учесниците ќе бидат одговорни за планирање и одржување работилници за прашањата на малцинствата, така што тие ќе станат одговорни за сопствениот процес на учење. Откако ќе поминат низ експериментално искуство за учење, тие треба да бидат мотивирани и инспирирани за генерирање нови искуства за учење на меѓународно ниво. За време на обуката, учесниците ќе ги споделат своите добри практики, алатки и методи за тестирање, ќе анализираат и произведуваат заеднички материјали што ќе ги користат младинските работници во различни активности.
На обуката ќе земат учество 40 младински работници и младински лидери од Македонија, Турција, Германија, Холандија, Литванија, Бугарија, Романија, Грција и Полска.
Услови за учество:
- Постари од 18 години и претходно искуство со младинска работа и неформално образование
- Способност за добра комуникација на англиски јазик кој е работен јазик за време на обуката
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види во Инфопак)
- Пасош кој има уште минимум 6 месеци важност пред почетокот на обуката (потребно за патување)
Сите трошоци за сместување и храна, како и патните трошоци (до 275€) се целосно покриени од организаторите.
Одбраните учесници ќе треба да уплатат 1200 денари на сметка на здружението како котизација за учество.
Доколку сте заинтересирани да учествувате на размената, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Обука во Турција“.
