Здружението за едукација и тренинг ЦЕТ ПЛАТФОРМА Скопје и Форумот за образовни промени објавуваат отворен повик за 22 учесници за младински проект “Stronger Together – Ethnicity Peacebuilding (STEP)”, коj ќе се одржи во Вила Гора, Крушево, од 1-ви до 4-ти декември 2022 година.
Овoj проект вклучува програма со која ќе се едуцираат 22 млади луѓе на возраст од 18 до 30 години од различно етничко потекло за концептите на интеркултурно учење и човекови права со фокус на градењето мир.
Во Северна Македонија, постои огромна поделба на различните етнички групи, па главната цел е да се зголеми свеста за богатството на заедничкиот живот, да се запознаат учесниците меѓу себе и да го подобрат начинот на однесување и толеранцијата кон припадниците на различните етнички групи кои живеат во нашата држава, во овој случај меѓу младите Македонци и Албанци.
Оваа програма ќе трае 3 дена во Крушево и се планира да ги опфати темите на меѓукултурен дијалог, решавање конфликти и стереотипи, и концепти за мир. За време на проектот учесниците ќе креираат видеа кои ќе имаат за цел да ги разрушат стереотипите кои се поставени помеѓу овие две етнички групи. Учесниците ќе користат интеркултурен дијалог за поддршка на кршењето на стереотипите и промовирање на толеранција, прифаќање и вредноста на различностите.
Целите на овој проект се:
- Подигнување на свеста кај младите за теми од интеркултурно учење и човекови права со фокус на градење мир – преку инклузивна и интерактивна методологија;
- Зголемен интеркултурен дијалог кој придонесува за разбивање на стереотипите и промовирање на толеранција и вреднување на различностите;
- Зајакнување на младинската свест, знаење и вештини за градење мир, и концепти за мир;
- Поттикнување на ангажирањето на поединци во процесите на градење на мирот.
Сите трошоци за сместување и храна, како и патните трошоци се целосно покриени од организаторите. Доколку сте заинтересирани да учествувате на обуката, пополнете го апликациониот формулар. Кандидати од рурални области, со економски и социјални тешкотии се охрабруваат да аплицираат и ќе добијат предност за учество.
Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!
Доколку имате прашање или нејаснотии, контактирајте не на [email protected] со назнака (subject) „Проект во Крушево“.
This project is sponsored by the International Visitor Leadership Program (IVLP) Impact Awards Initiative and the IVLP Impact Awardee Blagica Eftimova. This global initiative is implemented by Meridian International Center, in partnership with the U.S. Department of State Bureau of Educational and Cultural Affairs.
