Здружението за едукација и тренинг ЦЕТ ПЛАТФОРМА Скопје објавува отворен повик за 2 учесници за Еразмус+ обука „BE smART!“, која ќе се одржи во Првине (Загорје об Сави), Словенија од 20-ти и до 25-ти август 2021 година.
Проектот BE smART! е обука за младински работници, која е посветена на развој и зајакнување на визуелно-просторна или имагинативна-креативна интелигенција со помош на 5 техники и методи од уметноста (цртање, сликарство, колаж, архитектура и скулптура). Целта на проектот е да ги обучи младинските работници да ги користат овие методи при работа со млади луѓе и на тој начин да влијаат на нивниот развој и следствено на развојот на општеството.
Човечкиот ум е составен од различни интелигенции. Според Х. Гарднер, ова се јазични, математичко-логички, визуелно-просторни, музички, меѓучовечки, внатрешни лични, како чувство за природа и егзистенцијален центар (https://isio.acs.si/doc/N-485- 1.pdf). К. Гержан ги дефинира како рационални, социјални, емоционални, духовни, интуитивни, имагинативни-креативни, физичко-моторни, естетски и интуиција на иронија. Со проектот, сакаме да ја подигнеме свеста за мултиинтелигенцијата и да го ставиме младиот човек во првите редови, да ги прилагодиме методите и начините на работа на нивните потреби, да ги зајакнеме нивните послаби интелигенции и да го поддржиме развојот на нивните силни интелигенции.
На размената ќе учествуваат 27 младински работници и младински лидери од Шпанија, Романија, Грција, Италија, С. Македонија, Турција, Португалија, Летонија, Босна и Херцеговина, Словачка, две организации од Литванија и Словенија.
Услови за учество:
- Учесниците треба да се постари од 21 години и имаат претходно искуство со младинска работа и неформално образование
- Способност за добра комуникација на англиски јазик кој е работен јазик за време на размената
- Мотивираност и подготвеност за учество во сите активности на проектот
- Согласност да се почитуваат сите правила за проектот поставени од организаторите (види во Инфопак)
Сите трошоци за сместување и храна, како и патните трошоци (до максимум 275€) се целосно покриени од организаторите.
Одбраните учесници ќе треба да уплатат 800 денари на сметка на здружението како котизација за учество.
Доколку сте заинтересирани да учествувате на размената, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати! Краен рок за аплицирање е 28-ми јули 2021.
Доколку имате прашање или нејаснотии, контактирајте не на [email protected] со назнака (subject) „Обука во Словенија“.
! Ја следиме внимателно ситуацијата и мерките околу КОВИД-19 пандемијата, па го задржуваме правото да го откажеме нашето учество во проектот доколку оцениме дека Вашата безбедност и здравје може да бидат изложени на ризик.
